Tre persona janë në gjendje të rëndë pasi u plagosën me armë zjarri në një festë në Mulholland të Los Angelesit, ku morën pjesë qindra njerëz.

Departamenti i Zjarrit në Los Angeles (LAFD) tha se një nga viktimat, të gjithë të rritur, ishte në një “gjendje më kritike” pas të shtënave me armë gjatë orëve të para të mëngjesit të ditës së sotme.

Më parë rasti ishte raportuar në polici shkaku i një ndejë të madhe që po zhvillohej në kundërshtim me ligjet e coronavirusit në një rezidencë në një lagje të pasur të Beverly Crest.

Ende nuk është e qartë se kush kishte hapur zjarrin gjersa LAFD njoftoi se personi i katërt pësoi një dëmtim në krah, transmeton Telegrafi.

Me,gjithë ndalimin e tubimeve të mëdha në Kaliforni, Departamenti i Policisë në Los Angeles (LAPD) ka njoftuar më parë se policët e tyre nuk mund të ndërhynin në festa pa një urdhër nga prokuroria.